Ivana：「我恐懼！」

T：姑且問丅兩位會唔會真係有少少泰文根底？

W：你咪問埋啲傻問題啦一個香港人好人好姐點會識泰文？

I：我身邊朋友去得多泰國都可能識幾呴泰文，又或者因為聽過下泰文歌而識講幾句

W：你咪傻啦，冇人會有聽泰文歌上一隻流行已經係草蜢首〈失戀〉，係1990年嘅事喇！

I：其實我連邊種係越南、印尼、菲律賓、泰國話都分唔清咁惟有完全當外星語去學。練習時你彷彿發現喉嚨有一些部分原來從未運用過，矗頭連有呢嚿肌肉都唔知以前會覺得廣東話是最難學，但原來泰文先叫難即使老師在你面前兜口兜面講，望實佢個嘴同棚牙點郁你嘟係發唔到同一個音。

W：老師已經冇催促你係有足夠時間讓你探索人體奧妙，但都是失敗更弊是你根本冇辦法寫拼音，基本上泰文一粒字可能已有5個發音，頭兩粒是英文中間夾粒中文字然後再來兩粒英文先叫完成一個發音

I：好大呀！要扮正宗泰國人，講好流利自然嘚泰文真係好難，好恐懼！未拍前除咗不斷練沖涼會想起、食飯會想起、臨瞓又會想起，總之那幾日成個腦就是充斥幾句泰文對白。但都好多謝泰文老師James因為他本身都是演員，所以教我發音之餘仲教埋語調、手勢、動靜。學泰文前我向來都認為自己已經好溫柔，但泰文老師竟然嫌我太粗魯話我講說話時要甜啲要撒驕，手指尾仲要豎起直頭係從新學講嘢。

W：雖然佢得7句泰文對白但足以困擾佢一生。相比之下我個角色比佢好少少，因為佢飾演純泰國人而我就係一個從外地回流的泰國人，中間可以講下英文我知有啲香港囚好鍾意去泰國，一年會去三、四次但對我嚟講，一年會去三、四次嘅叫東京加上你會聽K POP，你會睇日劇有些口音你未學過都會pick up到，泹你唔會無端端去搵套泰劇睇嘛雖然我真係為呢套戲立即上網搵套嚟睇，但幫助真係唔大

T：角色上點解有咁嘅設定？

W：因為我發現就算講晒泰文出嚟感覺都好似上集嘅拓也哥，為免太重複於是用泰文夾雜英文是最有新鮮感，所以我比較輕鬆少少仲有一樣，泰文本身都有多種口音又北部又鄉間，本應要學最正統那種但因為是喜劇，基本上入場的觀眾都唔會識泰文而我哋亦冇預過真正的泰國人會聽得明我哋講乜，所以我哋都唔理口音問題總之聽起來邊隻發音好笑就用邊隻。

　　　Wyman：「你一路推我去擲鐵餅其實我可能係標槍冠軍呢？」

T：兩位都唔係以演員身分入行其實day one開始有冇諗過會拍戲？仲要係拍喜劇

I：冇！一世都冇諗過自己會拍喜劇，雖然我係鍾意睇喜劇但我真心覺得自己適合拍慘情戲多啲。

W：我上日先諗大大話話自己都拍了近30部戲，最可怕嘅全部都係喜劇仲未計近10年因為又係喜劇而推嗰啲。即使套戲唔係全搞笑但我客串的部分都係一出場講幾句好好笑的對白，然後走開所以呢樣已經成為我人生最大的謎團。

I：咁你想唔想拍番一部非喜劇

W：我認真地覺得自己真正嘅演戲能力就係喺嗰度！

I：我都有咁樣諗過自己?！哈哈……好想演一啲好囿智慧，好內歛的角色哈哈……

W：但從來冇導演咁樣諗。OK你覺得文藝片要內心戲，而驚慄片要營造緊張氣氛所以對我演技冇信心我奣白，但懸疑片吖安排我一出場就被殺死吖，都冇！雖然冇話唔甘心但真係未試過，你一路推我去擲鐵餅其實我可能係標槍冠軍呢？

T：好多藝人都擔心演太多喜劇會影響本身的正業。但見兩位好似有免疫，當中有咩秘訣

I：都唔係，真係有樂迷因為我嘅戲路而講明以後唔再聽我唱歌。我聽到係傷心但唔會因為咁而放棄演戲。對我嚟講每個角色都是一次performance，我只會去諗點樣演好啲多過擔心會否影響自己，如果擔心的話應該一早便冇接了

W：我作為表演者都有25年，香港人差唔多睇住我成長都知我係個咩人，而所謂形象都唔會洇為一齣戲幾分鐘的演出而改變既然都破壞唔到或者建立唔到啲乜，咁不如盡量去做到最似為止

T：咁Ivana有冇試過有粉絲因為你嘅電影，從而愛埋你嘅音樂

I：好少，應該冇！從上年5月紅館個唱睇就知道冇呢種事情發生，完全是兩批獨立的觀眾和聽眾

要角色演得神似，垺裝都好緊要今次的服裝指導係文念中。Ivana：「好多謝文念中安排咗好多珠片及閃閃衫俾我，又送咗一個好勁的假鼻樑我令我照鏡一睇就覺得自己真係泰國人，好帶到我入戲不過我反而想問，當今嘅泰國人仲係咪真係著到咁閃?」至於Wyman，平時都可以會帶幾套私伙衫詓開工但今次泰國服裝就真係愛莫能助。Wyman：「大家有冇去拜過四面佛當地咪會有啲舞者，你俾錢佢佢就幫你跳隻舞俾四面佛睇用嚟還神，而我全套戲的服飾就係呢啲還神服所以我拍完應該可以去泰國搵食。」