[忽然一週884期]最好的時代最壞的時代 陳展鵬
共 5542 浏览 20 回帖&&
积分: 31360
发帖: 11657 篇
在线时长: 1488 小时
[忽然一週884期]最好的時代最壞的時代 陳展鵬
[忽然一週 第884期]單人訪 最好的時代最壞的時代 陳展鵬
最近，都在說回歸十五年。關於陳展鵬，也可以從九七說起。
那一年，他拍了《忽然丈夫》和《旺角大家姐》，看名字已知趕上「古惑仔」電影的尾班車。之後，簽約寶麗金（環球唱片前身），做陳曉東師弟。「點知九七之後，全部嘢冧晒！無碟出，無公司簽，無人影！試過窮到連街都唔敢出，因為個戶口根本無錢。」
馬死落地行，「無碟歌手」後來連地盤都做過，兜兜轉轉，終於落腳亞視，又遇上沙士。「那時膽粗粗買了人生第一層樓，滙景花園，平吖嘛！ ○四年就賣，賺幾十萬。」大概，注定命不該絕。
○七年，環球金融風暴，一向不穩的亞視，更如打十號颱風。當時已是一線的陳展鵬，半年無工開。「所以好開心 ○八年可以返 TVB，我同自己講一定要搏盡，唔想返轉頭。」
接下來，你應該記得他做過幾年閒角、奸角、大配角，直至去年憑《真相》的律師一角跑出，最近在《衝呀！瘦薪兵團》首次擔正。「我知道自己幸運，人唔容易有第二次機會！未來希望再買樓俾屋企人住，不過依家『磚頭』實在太貴……」
是的，這是個「自由行」橫掃豪宅，「劏房戶」蔓延全城的時代；也是個維港煙花千金散盡，海旁遊行怒火街頭的時代。這，是我們的回歸十五年。
娛樂圈從來跟紅頂白，我們也不例外。去年七月，《真相》剛出街，本刊跟陳展鵬做了三版專訪。一年後，他終於在新劇《衝呀！瘦薪兵團》擔正，換來的是六版長訪，還有訪問途中，不斷被少女盛女 OL師奶影迷認出，親熱地直呼「煎 Pan」（陳的花名），猛讚他做戲搞笑。
「呢一年出街，好多人搵我影相，同以前比，係零至一百的分別，好誇張！所以依家打完波，我會『嗱嗱聲』揸車返屋企，唔想俾觀眾見到自己頭髮蓬鬆、標晒汗個樣。觀眾想同你影相，一定話無所謂，但依家有微博、 facebook，我想自己每次出現，狀態都好一點！」
緊張，因為一切得來不易。
陳展鵬出身草根，爸爸是消防員，媽媽是車衣女工。自小無心讀書，熱愛運動，曾是香港乒乓波青年軍代表，參加過英聯邦比賽，要風得風。中學畢業後，考入無綫電視訓練班，才知道外面的世界，風有多大，醒了！
「其實入行兩年，已經無發明星夢。我蠢囉！最初又有點虛榮心，因為以前做開運動員，好似球星?！間間學校都知我係青年軍，攞獎牌，每次比賽有百幾人睇。
「後來，讀完訓練班先發現，即使大家是同學，原來都好唔同！有人是經理人約，有人是歌星約，有同學好快有嘢做，但我就行行企企。好記得有次拍一場足球戲，導演叫我跌低俾主角過，嘩！我即刻覺得有無搞錯？咁假！好唔開心。那時十八、九歲，完全唔知工作是甚麼？社會原來不是只有我一個人的。」
如此年少氣盛，但竟讓他憑住當年圈中少見的稜角外形，拍下不少電影，又遇上 Blue Jeans的蘇德華，引薦入寶麗金，被捧為少年版劉德華，錄了幾首歌，找來徐子淇做 MV女主角。但萬事俱備，都敵不過九七效應。
當年，「千億新抱」徐子淇都為陳展鵬拍 MV。「子淇好靚好乖好斯文，媽媽管得好嚴，一定跟住個女，所以話嚴母出孝女。」
亞視年代，跟大自己十多年的陳秀雯做情侶，拍《愛在有情天》，難得不覺突兀。「可能我個樣比較老成，又鍾意同前輩傾偈，所以成件事都自然。」
「最初好開心?！未出碟都已經有幾百個歌迷，出出入入又有幾個助手跟住。點知成個市好快就冧，翻版又勁，寶麗金同我解約，好長時間無工開。試過一千蚊用一個月，同女朋友出街都無錢，惟有在家煮飯食。不過香港女仔有情有義，無一個女朋友嫌過我窮，就算最後分開，都不是因為錢。
「由細到大，我未認過輸，但在這個圈『嘭』一聲就無影，自己開始會去諗，點解無公司簽？出活動無人影？只要認真去檢討，你就知道自己裏面根本空無一物，又無攞過任何獎，一切都是公司捧出來，根本無得唔認輸！好似打波咁，輸就是輸。」無飯開，地盤工都要做，一日賺三百五。陸續又有大陸劇、小本電影等零星工作找上門。
「後來碰到祥仔（黎耀祥），他跟我說：『你返電視台啦！是時候去學多一點！』那時 TVB無人搵我，就去亞視。」雖說樹大好遮蔭，但細台也有細台的好，人少資源少，戲劇旅遊飲食節目全部由你做，努力總會被看見。不過，可能要像陳展鵬，等足六年！
「 ○八年返 TVB，好多監製都話有睇我在亞視拍的劇集和節目，覺得陳展鵬有俾心機。」下的苦功，包括跟冼灝英師傅學武術，放假就煲碟。
「這幾年，我不斷諗，點樣可以改進自己？有錢可能買一套好一點的 golf棍，提升球技。換車，亦揀日本車，因為比之前的舊 Benz慳油錢，可以買多些衫，出來見人，好好睇睇。」
回歸 TVB，捱了四年，終於等到視圈挖角潮，小生買少見少，乘勢上位拍《真相》，同黃浩然扮正義律師，唔紅都難。「有段時間經常做奸角，放工之後，整個人都繃緊。但那些都是機會，無以前就無今日。」
師奶睇唔明《心戰》，陳展鵬的《衝呀！瘦薪兵團》就易消化得多，最高有卅點收視，他跟同樣曾為亞視人的田蕊妮，做宣傳都特別落力。
為事業，費盡心神。愛情，注定要犧牲。去年，本刊率先爆出，陳展鵬有一位亞姐冠軍女友——姚佳雯。只是，愛原來已變成往事，繼陳豪後，陳展鵬成為 TVB內，另一陳氏「筍盤」。報稱「空置」，歡迎「落訂」。
「以前鍾意高瘦的運動型女仔，但依家想搵個啱傾啱講，是一種感覺！因為我發現就算搵到自己鍾意的類型，都未必可以長久，那不如放開一點，擴闊眼界。哈哈！不過女朋友最好都喜歡運動，大家有共同興趣會好一點，而且我鍾意健康女仔。
「依家無拍拖，但自己是個『先天不足』的男朋友。我願意凌晨三點收工，都抽時間見一見女朋友，食個麵，做甚麼都好。但有時忙起來，真的連傾電話都無時間，上一段感情就是這樣完結。或者，用訊息囉！不過我試過為工作，投入到連覆訊息都唔記得。由細到大，自己只要專心做一件事，是癲的！阿爸阿媽都知。
「好似十二、三歲時，就試過叫阿爸買好多大水喉給我做遙控車賽道，又日日夜夜研究摩打結構。依家？無玩咯！大個嘞，想儲錢再買間屋，安頓好父母。他們沒甚麼要求的，六百呎應該夠住了。不過依家『磚頭』好貴，成萬蚊一呎！慢慢儲囉。而且梁振英上台，又會有新政策……」
讓我粗略幫陳展鵬算算，就計買層六百萬的樓吧，付三成首期，即需現金一百八十萬。對報載三個月就跑夠五十萬數的他來說，指日可待。但對我等人工加幅追不上通脹，強積金又連年硬蝕的小市民來說……途長路遠！
陳展鵬前女友姚佳雯，是 ○八年亞姐冠軍。拍拖時，二人齊齊行商場購物，外形相襯。「是我沒有時間，性格都有點分歧。如果再拍拖，應該會公開。」拭目以待。
最近陳展鵬（前右）在長洲拍新劇《情越海岸線》，有傳同劇的李詩韻（前左）和李綺雯（後右三），爭相向他獻殷勤。「大家是朋友。不過有緋聞代表自己都有價值，唔過分的，我唔介意。」
提到今年七&一遊行，被萬民怒轟的梁振英，才知道他是陳展鵬的偶像。更正確點來說，是陳家的偶像！
「我細細個，阿爸已經好欣賞梁振英，認為他做事有目標，好掂！我覺得阿爸有眼光囉，呢十幾年就見到梁振英慢慢搞政治、入行會，再幫董建華，一步一步爬上去。
「我不是太熟政治，但在香港這個民主地方，如果呢五年是得的，就由他繼續囉。如果過分了，自然會有另一班人上。試一試啦！」
抱歉，本人對陳爸爸的眼光存疑，但我大概比部分香港警察，更記得基本法第廿七條：香港居民享有言論、新聞、出版的自由，結社、集會、遊行、示威的自由，組織和參加工會、罷工的權利和自由。所以，大家會看到以上一段陳氏父子的偶像論。只希望梁特首也沒有忘記，這短短的四十一個字。
否則，五年後的今天，香港人應該無心舉杯！想爆樽。
撰文：李綺雯
攝影：袁家樂
協力：李梓軒
化妝： K.T Tsui
服裝： Harvey Nichols
場地： H One
23:24:38 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
boboHtml = '';
html += boboH
NTES(".bobo-list").attr("innerHTML", function() {
return this.innerHTML +
}, "utf-8");
积分: 31361
发帖: 11658 篇
在线时长: 1488 小时
忽然1周 第 884 期&
大封面 設靈四日遺體打冷藏針 羅慧娟遺願：下世再做夫妻
滾熱辣 布吉醫院直擊 Yumiko箍頸回港 護士：佢冇昏迷
滾熱辣 《飛虎》足本劇情曝光 馬德鐘背妻偷嗒宣萱
娛聞樂 嫌戲少推劇激嬲樂易玲 陳法拉派大少祝壽補鑊
娛聞樂 瘋癲背後 龍心自爆被囚犯搞下體
娛聞樂 請假三個月赴美瘟仔 劉美君玩謝環球
媽咪姐 師兄借拍戲避祖兒
媽咪姐 又有着數呀！
媽咪姐 《忽然1周》‘革新超勁賞’得獎者名單
媽咪姐 奇洛搞掂莫文蔚
媽咪姐 小聰子盡忠職守
媽咪姐 劉嘉玲嘆住買禮
媽咪姐 去吧！眼超超兵團
媽咪姐 蘇康寓工作於隊啤
媽咪姐 徐淑敏錫晒沈卓盈
媽咪姐 沈震軒偷食出禍
媽咪姐 曾華倩囝囝快高長大
媽咪姐 周汶錡真面目
博出位 七一怒火街頭
媽咪姐 「四大破冰」臨門撻Q 無綫硬食英皇
忽然去片 「維園霆鋒」龍心 有佢咁癲時又邊夠佢搞笑！
媽咪姐 喬寶寶搞喊細路
媽咪姐 少爺占儲老婆本
媽咪姐 劉丹教孫
媽咪姐 陳慧琳老竇有女陪
媽咪姐 國際都會之色肉
媽咪姐 何傲兒變自由行
小特搜 靚太愛鬥閃
揞名爆 「好跳得」背「震震豬」偷食?妹
揞名爆 拜金成性「假鬼妹」小便宜都貪
出外埠 安心亞扮cutie失靈
出外埠 金萱兒破戒「騷咪」
出外埠 湯佬離婚33魔咒
出外埠 莎朗史東視覺污染
句句金 句句金
上流滙 榮文蔚「男模」醜聞 引爆名媛包鴨仔事件簿
單人訪 最好的時代最壞的時代 陳展鵬
星悅居 林柏希 玩具王國
亞熱帶 孔侑 露肌收失地
來路貨 決戰蝙蝠俠
Focus No Hot Dogs
Picks 倫敦睇奧運嘆得獎下午茶
Picks 奧遊時尚英倫
Collector 迷你部屋情
Cooking in 2 做鴨要有胸
Beauty 率先試 台、日大熱岩盤浴
People 博物館父子情
Health 七彩膠布減痠痛
Snap 行人理想區
Sudden Club 會員超勁賞
Fate 腳趾生毛身體好 李丞責
Columns 寵物男朋友
Columns 追夢的女孩
Columns 柔眉高手
Columns 眼袋迷思
Columns 撲朔迷離的高中學校（上）
有劇追 「高齡」game友馬國明 穿越時空《回到三國》
好戲場 頭輪好戲《吸血鬼獵人：林肯》
Horoscope 看清全部 Jackal
洛天紫微 鼠
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31362
发帖: 11658 篇
在线时长: 1488 小时
[忽然一週 第884期]大封面 設靈四日遺體打冷藏針 羅慧娟遺願：下世再做夫妻
終年 46歲的娟妹，一生歷盡失聰、抑鬱和癌病試煉，但樂觀的她，勇敢面對，並希望大家笑着看她離開。
堅強對抗胰臟癌兩年的羅慧娟（娟妹），上周六（ 6月 28日）凌晨在新加坡寓所逝世，終年 46歲。其夫劉志敏周日起一連四日，在當地殯儀館為娟妹設靈。周三（ 7月 4日），娟妹遺體正式火化。連日來強忍悲傷的劉志敏，目送娟妹化為骨灰，終於激動落淚。劉志敏接受本刊記者訪問，坦言娟妹是他一生最愛，提起娟妹抗病時一席話，他強忍淚水，嗚咽說：「老婆話：『你做嘢咁辛苦，第日等我養番你啦！』」說罷雙眼通紅，內心悲慟可想而知。據知 62歲的劉志敏，陪住娟妹走最後一段路，已向她承諾終生不娶。娟妹胞姐羅慧蓮亦透露劉志敏已決定死後將自己的骨灰與娟妹同葬，她說：「阿娟曾經講過，話下世同妹夫再做夫妻。」老公至死不渝的真愛，魂歸天國的娟妹此生無憾矣！
周三（ 4日），新加坡天空晴朗，而在當地 Mandai火葬場上，羅慧娟（娟妹）的家人和一眾親友忍着淚水，送娟妹最後一程。其夫劉志敏不捨娟妹肉體火化，一直守在靈柩前凝視着她。但走的終須走，中午十二時安放着娟妹遺體的靈柩，被火化的一刻，眾人難掩傷痛，劉志敏極為哀慟。7月 3日談妻眼濕濕周二（ 3日），劉志敏到靈堂打點，他向本刊記者透露娟妹生前還有心願未了時，突然雙眼通紅。娟妹 08年披嫁衣，與新加坡富商劉志敏攜手步入教堂。雖然娟妹過了四年短暫少奶奶生活，但能找到一生摯愛，絕對無憾。7月 4日最後一面娟妹遺體周三（ 4日）火化，劉志敏一早便到靈堂準備，更企在靈柩旁，見妻最後一面。抬起靈柩由牧師帶領眾親友唱聖歌，進行儀式後，隨即蓋棺，由四名工作人員抬住靈柩上車。靈車出發靈柩上車後，便出發往火葬場，車頭掛上娟妹的遺照。捧相解穢歷時半小時的火化儀式，一眾親友哭別娟妹，最後遺照交由娟妹大哥，由他負責拎住去吃解穢宴。親抱骨灰完成解穢宴後，劉志敏返火化場取回老婆的骨灰。離開時，他雙手抱着骨灰，並向在場記者說：「我要帶走佢喇！」
難忘天真笑臉
娟妹是生命鬥士，即使連番被癌魔和化療折騰，但她依然勇敢、樂觀地面對。娟妹臨終前，曾向丈夫劉志敏講過一番說話，令劉刻骨銘心。劉志敏向記者憶述時，悲從中來，嗚咽着說：「我同老婆有好多難忘嘅片段，佢覺得我做嘢好辛苦，有福嘅佢仲同我講：『老公，你不如做嘢唔好咁辛苦啦！我第日一定會照顧你，我要養番你！』我成日諗起佢講呢番說話時好天真可愛嘅表情。」此時劉志敏一度語塞，雙眼通紅續說：「講錢，我多過佢啦！但佢做人就係可以咁天真。」其實娟妹四月已飛往新加坡養病，當時她病情反覆，幾乎每天卧在牀上，連說話也乏力。據知當時劉志敏見娟妹情況危急，於是在牀邊望着娟妹，捉實她雙手，向她發誓以後終生不娶。知情人士說：「志敏嘅前妻都係因為癌症過身，今次娟妹又俾癌症折磨。佢覺得全部係上天考驗佢，所以佢唔想再婚喇！佢知道娟妹隨時要上天堂，所以不斷同身邊好友講以後唔再結婚，叫啲朋友做證。」
20萬簡潔喪禮
據知娟妹曾向家人表示，希望死後喪禮盡量低調，所以劉志敏亦按照她生前意願，靈堂布置十分簡潔。據知整個喪禮花費大約二十萬港元。
娟妹躺在白色的棺木裏，安放在靈堂中央。一連四日的喪禮上，牧師以英語分享娟妹生前軼事，而親友亦可隨時上前瞻仰遺容。靈堂翡龍山聖所（ Mount Vernon Sanctuary）位於新加坡半山，環境清靜。Mandai火葬場位於烏節路附近，當日娟妹親友被安排在這個房間，透過玻璃窗，目送娟妹火化。
低溫保存遺體
劉志敏今次為娟妹設靈四日，希望各方親友可以把握最後和娟妹相見機會。不過新加坡天氣酷熱，連日來溫度均在 35度或以上。為了令娟妹的遺體抵熱，據知負責遺體的殯儀館人員，就在她身上打了冷藏針，令遺體長期處於攝氏 4度或以下。知情人士說：「喺新加坡搞四日，代表嗰位先人身份地位都有番咁上下，加上長期開棺俾親友瞻仰遺容，所以一定要打冷藏針。靈堂仲要開行冷氣，先防止化妝同肉體溶甩。」胞姐：好唔捨得佢娟妹有六兄弟姊妹，排名最小。大家姐羅慧蓮（ Molly）可謂由細睇住妹妹大。周三（ 4日），羅慧蓮出席火化儀式後哭成淚人，更向記者說：「我好唔捨得佢，佢係我一手湊大，而阿娟最放唔低係媽媽……」娟妹與家人關係親密，結婚當日，羅母及大家姐更為娟妹找到幸福而感動落淚。《壹週刊》圖片
繼子 Brian：叫我照顧老竇
娟妹其中一名繼子劉鎮洪（ Brian）向記者表示他最懷念數月前和羅慧娟到中環 ifc嘆茶的美好時光。他以英文說：「佢嗰日好靚，臨終前叫我照顧老竇。」由於 Brian不諳中文，所以他希望記者用英文以電郵形式做訪問。事後記者收到電郵，他更寫下希望和繼母講的一番說話，「我會令你感到驕傲。」娟妹母親（左圖）和奶奶（右圖）連日來都由親友陪同下現身靈堂。不過出殯當日，為免白頭人送黑頭人，兩人都避席。
骨灰同葬深圳
劉志敏毋忘愛妻，情願下半世做孤家寡人，也要堅守對娟妹愛的諾言，他更希望將他和娟妹這份愛，延續到下世。娟妹過身後不久，劉主動向娟妹胞姐羅慧蓮（ Molly）請求，希望將自己死後的骨灰和娟妹同葬。胞姐 Molly提起此事，不禁淚流漣漣，她說：「呢位妹夫真係好好。阿娟曾經講過，話下世同妹夫再做夫妻，佢讚妹夫係最好嘅男護士，而妹夫亦同我講過，話將來自己啲骨灰會同阿娟合葬。」去年，娟妹和家人一起往深圳大鵬灣探望身葬該地的老父，娟妹有感而發，希望羅家的骨灰可以齊齊整整，同葬於此。 Molly續說：「大鵬灣地方好大，阿娟就話不如喺附近買一幅地啦！所以妹夫話一齊葬嗰陣，我有疑惑過，因為佢始終生長喺新加坡。但佢話冇問題，估唔到佢可以咁遷就我哋羅家。」據知娟妹的部分骨灰除葬在深圳外，還將部分埋在兩人香港山頂寓所的後花園、部分則灑落大海和收藏在鑽石吊墜內。
回光反照說：冇遺憾
其實娟妹在抗病兩年來，前後總共被五名醫生輪流診治，劉志敏更請了四名私家看護服侍娟妹。不過生命無常，娟妹試過數次半隻腳踏進鬼門關。在臨終前最後一星期，娟妹嚴重到不能說話，要用口形交代身後事。 Molly說：「佢好多次唔得，但後來又救得番。佢好辛苦，最尾仲講唔到嘢，但佢依然用口形講笑，俾啲正能量大家，我未見過一個病人係可以有咁正面嘅態度。」彌留期間，一直講唔到嘢的娟妹突然回光反照， Mollly說：「我知佢有好多嘢要講，但佢好似啞咗咁，真係冇辦法。但有次佢見到個個屋企人嚟探佢，佢突然講咗一句：『我 OK，我冇遺憾！』，我哋大家聽完之後都好感動。」臨終前娟妹拼盡最後一口氣，也要將自己的正能量感染身邊的人，遺愛人間。
娟妹的骨灰將會葬於深圳大鵬灣華僑墓園。墓園位於沙頭角東部，由九龍市區前往只需八十分鐘車程，相當方便。周二（ 3日），劉志敏離開靈堂時，向記者派上娟妹生前為福音頻道拍攝的特備節目《聽見天堂》。
娟妹在節目中提到自己當年和劉志敏潛水後失聰經歷，大讚劉對她非常細心。
好友伴上路
入行超過廿年的娟妹，在圈中人緣甚佳，因此一班好友得悉噩耗後，紛紛趕到新加坡，見她最後一面。陳法蓉早前曾陪娟妹在新加坡住兩個月，她說：「佢好堅強勇敢，叫我笑住送佢走。」
劉美娟和張崇德兩公婆周二（ 3日）晚到達靈堂時表現激動，和劉志敏抱頭痛哭。
曾和娟妹合作拍劇的張衞健說：「佢好有正能量，即使同佢食餐飯，我都好有得着，真係唔捨得。」鄧萃雯和蔡少芬因身在橫店趕拍《金枝慾孽 2》而未能出席喪禮，但她們也在微博表示哀痛。
娟妹和一班圈中教友，當年齊齊擔任黎美嫻出嫁姊妹而敍首一堂，眾人感情深厚。因宗教關係而認識娟妹的鄭秀文，在微博讚揚她是生命鬥士。《蘋果日報》圖片
曾就讀於德貞女子中學的羅慧娟，出道前是葉青霖御用模特兒。 87年她參選港姐更殺入複選，但因要赴外地拍廣告才棄選。同年在葉青霖前妻廖安麗介紹下，羅慧娟加入無 綫，正式開始她精采的演藝人生。個性樂觀的娟妹，平日是大笑姑婆，儘管近年飽受失聰、抑鬱、癌症，一樣笑看人生，絕不放棄！
01年，羅慧娟到印尼，為現代經典拍攝婚紗照，再一次成為伯樂葉青霖的模特兒。當時 35歲的她身形甚 fit，成功演繹準新娘健康、開朗的一面。
首獲好評87年羅慧娟加入無綫，第一次演出就飾演《書劍恩仇錄》女主角霍青桐，當時張衞健飾演書僮心硯（左）。雖然收視欠佳，不過羅慧娟敢愛敢恨的演出就獲好評。煲水緋聞90年拍《人在邊緣》，不但令羅慧娟、黎美嫻及陳法蓉成為好姊妹，更令娟妹與黎明傳了一陣子緋聞，但後來證實只是宣傳招數。激罕性感92年離開無綫後，羅慧娟拍了二十多部港產片，當中包括暴力三級片《火蝴蝶》。有傳是因為和星爺分手，才刺激到羅慧娟在《火蝴蝶》罕有地背部全裸演出。重投無綫在鄧萃雯拉線之下，娟妹 06年重回無綫，演出《女人唔易做》，飾演劇中雯女好友。劇集最高收視 41點，是 06年《萬千星輝頒獎典禮》的最佳劇集。
最後演出09年電影《天水圍的夜與霧》是娟妹最後遺作，她飾演張靜初的朋友。劇中有一幕她苦勸屢次被虐的張靜初離開丈夫任達華，令人留下深刻印象。
苦戀三年89年，備受力捧的羅慧娟，與初露頭角的周星馳合演《蓋世豪俠》，兩人戲假情真。此後由於朱茵介入，加上星媽有意拆散，這段地下情終在 92年畫上句號。再戀拍檔97年羅慧娟往台灣發展，翌年她與台灣當紅小生李志奇因拍攝電視劇《新天仙配》撻着，可惜兩人聚少離多，拍拖一年後就宣布分手。
採訪：梁紫玲撰文：娛樂組攝影：陳志輝
09:21:21 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31363
发帖: 11658 篇
在线时长: 1488 小时
[忽然一週 第884期]滾熱辣 《飛虎》足本劇情曝光 馬德鐘背妻偷嗒宣萱
要死一齊死！我唔可以俾你有事！宣萱被賊人伏擊，馬德鐘竟捨身為對方擋了一槍，重傷表白。
馬德鐘和宣萱變節離巢，令新劇《飛虎》被迫在周日晚上十點的炮灰檔播出。但以電影手法拍攝的《飛虎》，憑緊湊劇情及一班嫩口當紮小生如羅仲謙、王浩信集集爆肌，睇到師奶、 OL個個血脈沸騰。出街兩集，最高收視已錄得 30點，更成過去兩周最高收視劇集。一吐污氣的馬德鐘，風騷出錢搞慶功，明落 TVB面。本刊率先爆《飛虎》未來 11集的火爆情節，其中飾演鐵面教官的馬德鐘，竟背着未婚妻苟芸慧偷嗒宣萱，而宣萱在追匪徒時撼爆頭險死，至於爆肌二人組的王浩信和羅仲謙，一個在劇中打現實老婆陳自瑤，一個飛車墮地受重傷，集集高潮再加當紮小生花旦做奸角點綴，《飛虎》極有可能在炮灰檔殺出血路。好想拍續集!（真實對白）馬德鐘與「空姐女友」苟芸慧拍拖幾年已達結婚階段，但各自各偷食。
馬德鐘宣萱生情愫
一直有個空姐未婚妻苟芸慧（丁慧慧）的馬德鐘（展 Sir），因工作遇上能幹的宣萱（莊卓樺），漸生情愫。其間馬德鐘在一次任務中，為救宣萱而中槍，康復後開始背妻約會宣萱，兩人更多次相約到水塘釣魚偷歡。
梁烈唯勾義嫂
其實梁烈唯（莊卓源）比馬德鐘更早認識苟芸慧，但兩人並未發展。及至馬與苟感情有問題，梁便乘虛而入，第 4集更講到馬德鐘發現二人曖昧短訊，東窗事發兄弟反目。飛虎同伴不值梁勾義嫂所為，於是圍毆他。第二集中，梁烈唯已表現出對苟芸慧生螆貓入眼，他更不時情深款款望實女方，但當時苟仍是馬德鐘女友。慧慧個短訊 send俾邊個？你咁叫做兄弟呀！
縱使與宣萱發展地下情，但當馬德鐘發現梁烈唯與苟芸慧互 send的曖昧短訊，即向「好兄弟」大興問罪，但梁死撐冇做。我同慧慧真係冇嘢?！勾義嫂你都做得出？點對得住大佬！
袁偉豪（郭家星）帶頭揮拳重擊梁烈唯，但他自知有錯，不敢還手。
宣萱爆頭險死
飾演 O記督察的宣萱，被不少歹徒視為眼中釘。第 6集講「甘草王」李成昌（林石勇）原本係警察，但遭宣萱投訴而被「燉冬菇」。李潛入警察部槍房偷槍脅持宣萱，更狼死到將宣萱個頭猛撼落玻璃，再用鐵釘木棍毆打她，畫面極盡 SM feel。
夠膽你就開槍！睇你幾冇用！連仇人都唔敢殺。宣萱趁機反抗，兩人於單位內糾纏。
八婆，我預咗同你攬住一齊死！李成昌出盡力狂撼宣萱個頭，搞到宣萱 ?嘩鬼叫，好彩最後得馬德鐘營救先脫險。
估唔到我揸槍咁型！（真實對白）
王浩信打老婆
宣萱一直的心結，是要親手拉炸死其未婚夫黃子雄（邦）的匪徒，到第 12集，匪徒終現身，竟然是扮演自閉圖書館管理員的陳自瑤（程婉婷）。而現實中老公王浩信（邱駿軒），卻在這場戲親自生擒老婆。
我冇人冇物，同你攬住一齊死！「自閉女」陳自瑤其實是炸彈專家，原本扮可憐瞞天過海，被宣萱拆穿她是殺自己未婚夫的身份後，即手持爆破器與宣同歸於盡。
在爆炸前兩分鐘，馬德鐘帶隊征服陳，當日拍攝此段戲時，導演忽然興起，安排由蒙頭的飛虎隊員王浩信凌空箍腰的起陳自瑤，更摑了她一巴，呢段戲仲搞到王事後俾老婆省了一餐。拍呢場戲唔覺意大力咗，搞到 YoYo條腰瘀到一撻撻，返屋企要同佢 say sorry跪榴槤?！（真實對白）
《飛虎》在去年開拍時，已被 TVB視為今年的重頭劇，在「節目巡禮」中，更是重點推介。可惜因劇中主角馬德鐘及宣萱一併離巢，令劇集無限期掟入雪櫃，有傳馬德鐘老婆張筱蘭親自向 TVB相熟高層求情，《飛虎》才得以重見天日，但卻遭安排在周日炮灰檔播出。
馬德鐘： 40點剝衫
好彩《飛虎》爭氣，兩集收視均是全周收視之冠。身在上海開工的馬德鐘說：「初時個個都話炮灰檔期，唔擔心就假，不過依家有好成績，有吐氣揚眉感覺，證明人哋睇死唔緊要，最緊要成 team人努力冇白費。仲有兩星期左右我就返香港『歸』隊，宣傳做得一次得一次，如果收視 40點，咪約埋班兄弟一齊唔着衫跑街囉！」
羅仲謙飛車重傷
在劇中飾演自視過高，經常「獨食」的羅仲謙（俞學禮），在一次追賊中未有得到上司准許，擅自跳上吉甫車截停賊人，結果失足跌落地受重傷。阿頭馬德鐘在其康復返工第一日，冇慰問他之餘更當眾抦他不守紀律。二人在差館吵大鑊，羅仲謙劈炮唔撈。羅仲謙目擊父親羅樂林被冼灝英綁上車，飛車頂截停賊匪。其間飛出馬路身受重傷。拍呢場戲我隻手同膊頭真係受咗傷！（真實對白）
好吖，咁你今日仲係飛虎，你同我落去洗晒啲車，我唔要見到一粒塵！我依家唔撈，我睇你唔順眼！羅仲謙不忿被馬德鐘要求放大假，一怒之下劈炮唔撈。
馬明越獄復仇
首集馬國明（杜天宇）與老婆賈曉晨（姚美玲）飾演的賊公賊婆叫座力十足，但最後仍被捕。第 13集大結局，轉扮污點證人的賈曉晨，將劫獄救老公，齊齊向飛虎等人上演一輪復仇大戰。馬國明逃獄，第一個就對付梁烈唯，他單人匹馬殺入警署，與梁烈唯埋身巷戰，最後更打到梁瞓地吐血。
我身為飛虎，有責任拉你！今日唔係你死就我亡！
又拍電影又拍續集
收視有交待，一班演員連環祝捷兩次。其中一次是馬德鐘包場請客，順度為自己慶祝 44歲生日。
由於《飛虎》收得，據知 TVB打算短時間內開拍續集，更有人提議拍《飛虎》電影版，在農曆新年檔期上映，以取代柴娃娃群星戲。不過向來肥水不流別人田的 TVB，會在續集和電影中，棄用叛將馬德鐘和宣萱，改用親生仔女。對此，馬德鐘說：「如果《飛虎》反應好拍續集，我願意返嚟。我同宣萱一樣都係飲水思源嘅人，有需要幫手一定會返嚟。」已離巢的宣萱亦表示如開續集，她一定回巢拍。「無綫始終係我娘家，續集點可以唔預我，加上我發現自己第一次揸槍原來都幾型，希望殺出一條血路。」至於監製林志華則坦言：「我都好想拍電影，題材講新一代飛虎，我覺得原班人馬拍絕對夠號召力。」馬德鐘和宣萱異口同聲賣晒口乖，正值花旦小生荒的 TVB又係用人之時，不妨大方少少，一家便宜兩家着咪皆大歡喜囉！
《飛虎》除了首兩集的馬國明和黃德斌外，未來數集都會出現多位花旦或小生作為反派串星，令劇情更有張力。
第 6集敖嘉年
有「力王」之稱的敖嘉年（陳力恆）是果欄太子爺，他得悉女友蔣家旻被艾威（劉秉駒）強姦後受辱自殺，向艾施酷刑報復。
第 9集唐詩詠
唐詩詠（裴芷琪）是一名心理學家，她沉迷改槍，不時引誘他人作真人活靶讓她得到快感。她更成功控制宣萱（莊卓樺）心智，引誘馬德鐘（展潮韜）讓她作真人活靶。
第 11集郭政鴻
身為圍村惡少的郭政鴻（丁有田），不甘被宣萱打擊其外圍集團而教唆輕度弱智的林子善（鄧福齊）槍殺宣萱。
網友有話兒
原本是 TVB重頭劇的《飛虎》調到炮灰檔期播映實在罕見，劇集播了兩集，挾着最高收視達 30點的成績算是不俗。而向來投訴多多的一班網友亦對劇集評價好壞參半，都算公道。讚
撰文：娛樂組攝影：攝影組
23:34:38 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31364
发帖: 11658 篇
在线时长: 1488 小时
[忽然一週 第884期]娛聞樂 嫌戲少推劇激嬲樂易玲 陳法拉派大少祝壽補鑊
法拉連推兩劇，不過轉頭又返大陸接內地劇做配角搵真銀，明剃樂小姐眼眉，難怪被踢出今年賀壽名單之列。《 FACE》圖片俾條生路我！（設計對白）
每年有份獲邀出席 TVB高層樂易玲生日派對的藝員，猶如未來一年得寵指標。上周五晚（ 6月 29日），樂小姐提早慶祝 53歲牛一，即使八號風球下，仍有大班藝人濕住身仆去為她賀壽。每年就算幾忙都一定為老細贈興的陳法拉，今年卻一反常態，全晚竟然 no show。據知全因她連環推劇激嬲樂小姐，被踢出「賀壽名單」之列。知衰的陳法拉當晚急急派出平日唔愛 social的男友薛世恆做和事老。為?樂小姐，薛世恆局住陪壽星女唱歌娛賓，更留到散場至走。呢個男友都算唔話得。
去年尾失落視后後，不忿的陳法拉以「面癱」理由請假足足半年，聲稱返美就醫，推了四十集長劇《名媛望族》，其間卻經常精神奕奕出席活動搵真銀。真病定心病，樂小姐全看在眼裏。「上次法拉推劇，係人都知佢嬲個視后俾 咗杏兒，加上《名》劇個角色戲份少過楊怡，佢覺得公司唔睇佢，咪話請假囉。樂小姐都知佢點諗，試過軟硬兼施叫佢開工，不過法拉就冇理佢。」知情人透露。今年男友單拖撐場薛世恆當晚棄用法拉男友身份改以星煥老闆身份出席生日會，更拉埋老婆經理人 Cindy（右）聯手狂?樂小姐，又獻唱又隊酒，留到凌晨 5點幾散場先走。相信樂小姐條氣順番唔少。去年風騷孖住現身去年中仍聽教聽話的法拉，帶埋男友一齊為樂小姐慶生，不過今年卻遭樂小姐掟入雪櫃。樂小姐拉隊落樓影大合照，被一班小生花旦簇擁着的樂易玲，意氣風發。大派利是有眾多猛男陪伴，樂小姐當晚心情大好，主動落樓向記者大派利是，不過一提法拉名字，她只笑不答，極力迴避。嘿嘿，醒定啲呀！（設計對白）
睇死公司冇人用
至今年四月，法拉唞夠復工，隨即獲公司安排接拍新劇《法網狙擊》。不過戲份依舊被楊怡騎住，角色要配森美做二線。唔願屈就做配角的她，又再以病辭演。不過正在「養病」期間，法拉屈尾十戮力宣傳即將推出的新唱片，其間更接拍大陸劇《大漠謠》飾演李夫人一角。「法拉拍完《東西宮略》後，覺得自己上到一線，所以唔係做第一女主角 嘅劇，都唔會接。佢私底下仲同人講，話公司根本冇人用，就算揀劇拍， 啲監製都實要用佢。」可惜，以為坐定粒六的陳法拉，連番推劇終觸怒樂易玲。據知樂一個月前向一眾監製落口諭，短期內不要搵法拉拍劇。收到風的陳法拉自知玩大 咗，原打算在今次生日派對上向樂小姐負荊請罪，可惜連邀請卡都冇收到的她，即使再厚顏，亦冇藉口現身。去年拍畢《東西宮略》（右圖）後，法拉一直以「面癱」為由請假長休，又唔肯屈就二線而推掉大劇《名媛望族》及《法網狙擊》，戲霸上身，益晒翻版法拉朱晨麗（上圖中）上位。《壹週刊》圖片《壹週刊》圖片
木獨男獻唱
為了補鑊，法拉在上周五（ 29日），局派出男友薛世恆現身樂小姐生日派對。據有份出席的賓客透露：「好多人都知法拉激親樂小姐，不過大少（薛世恆） 嗰晚係以星煥娛樂老闆 嘅身份出席。 Cindy（法拉經理人）一早帶 咗大少上去，佢兩個見到樂小姐就拉佢埋一邊密斟。之後大少仲拉住樂小姐上台唱歌，又周圍同志偉、三哥佢哋敬酒，?到樂小姐笑到四萬咁口，擺明想做和事老。」對於陳法拉冇份賀壽，本刊致電樂易玲和陳法拉，但至截稿前仍未回覆。
過去樂小姐生日會的鐵腳如徐子珊、吳卓羲和黃宗澤等，今年因拍劇未有出席，人、禮同樣欠奉。雖然星光比往年黯淡，但當晚一樣有大批藝人冒住八號風球到來祝壽，夠晒俾面。
最持久高海寧 陳展鵬 7pm-5am派對 7時多開始，兩個派對新丁高海寧和陳展鵬一早到場幫手打點，又買定禮物?壽星女，玩到散場先至走，俾足面！樂小姐肯定相當滿意。最重手林夏薇 林峯 9pm-2am有傳樂小姐為就林峯檔期而提早一日搞生日。林峯當晚出手勁豪，送上一大疊連卡佛現金禮券予壽星女，難怪峯少多年來一直係樂小姐最錫愛將，地位從未動搖。最快閃李亞男 王祖藍 11:30pm-12:15am與女友李亞男結伴到場的王祖藍，校啱時間喺樂小姐切蛋糕時出現，不過櫈都未坐暖就速速閃人，好趕時間喎！最遲嚟胡杏兒 12:30am-3am自稱有工作在身的胡杏兒，到樂小姐切完蛋糕，至手拎 Celine紙袋到場，不過總算遲到好過冇到。
最有心葉翠翠 9pm-11pm因為腳傷而正在休養中的翠翠，撐住枴杖都要現身贈興，擦鞋功夫一流。
撰文：娛樂組攝影：攝影組
00:14:24 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31365
发帖: 11658 篇
在线时长: 1488 小时
[忽然一週 第884期]媽咪姐 小聰子盡忠職守
整完頭換埋衫，陳山聰同超雲十指緊扣行出嚟。見記者影相，陳山聰塊面愈嚟愈黑。
打份好工，不如搵個好女朋友。學吓陳山聰，拖住賭王女何超雲，去吓 ball做吓騷，使乜拍劇咁辛苦，最近仲話合作搞時裝生意，同 TVB解約！
日前陳山聰同超雲去中環 set頭出席活動，上車落車傍到女友實。媽咪姐覺得佢真係好盡忠職守，就連司機、保鑣嗰份都撈埋，不過全程就黑口黑面。阿聰哥，冇人揸住支槍逼你服侍女朋友?！唔該下次開車門時歡容啲！
陳山聰從左邊門落車，即時撲過去右邊門拖實超雲落車。
專車到，陳山聰好緊張咁送超雲上車，又好迅速咁關車門，睇嚟平日訓練有素。
00:04:44 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31366
发帖: 11658 篇
在线时长: 1488 小时
[忽然一週 第884期]媽咪姐 去吧！眼超超兵團
啤咩啤，前世未見過明星呀。﹙設計對白﹚
佘詩曼見到窗前有人?，即時瞪大眼回望，防衞性十足。
係人都鍾意望明星。無他嘅，靚吖嘛，而且少見，唔望咪好蝕底。
好似上周四（ 6月 28日），上海一間電影公司舉行慶祝儀式，香港一班影視紅星齊齊到賀。活動後，佢哋仲敍首後台，一邊摸吓酒杯底一邊吹吓水。不過好死唔死，後台有一大塊玻璃，正正面對大街。每逢路人行過，你眼望我眼，鬼咁似色情場所嗰啲金魚缸。
可能自覺被望蝕，警覺性十足嘅佘詩曼不時眼超超望向大街；嘉賓之一嘅張衞健亦不甘示弱，相繼加入眼超超行列。講真吖，人家望你都係欣賞你啫。唔望，你咪仲?。退一步咁諗，大家都會過得好啲。
我又啤埋一份！﹙設計對白﹚
啤夠未呀你…（設計對白）
企喺窗邊嘅張衞健亦被望到周身唔聚財，皺眉對視，身後嘅佘詩曼雖然同肥監製 Wilson吹緊水，亦不忘再次眼超超。
上番台，眾星都收拾情緒，眼神柔和地影相。只嫌身後嘅側田唔合作，苦埋塊面左?右?，唔知佢想點。
23:35:02 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31367
发帖: 11658 篇
在线时长: 1488 小时
[忽然一週 第884期]媽咪姐 蘇康寓工作於隊啤
蘇永康同陳柏宇坐喺酒吧出面狂吹水兼隊啤，好 enjoy咁。
雖然政府遲遲未發牌俾王維基嘅新免費電視台，但佢一於少理，滿腔熱情開大型音樂劇《童話戀曲 201314》，仲搵咗樂壇阿哥蘇永康飾演隱世歌手一角。
早前，蘇康同陳柏宇（ Jason）喺蘭桂坊一間酒吧拍攝隊啤、吹水戲份。媽咪姐見佢兩個好似做番自己咁，未 roll機已經傾唔停口，一邊傾仲一邊狂隊啤酒。如果唔睇側邊嘅工作人員，媽咪姐真係以為佢哋 happy hour緊?！
睇真啲，原來佢哋正拍攝緊電視劇，身邊仲圍滿工作人員。不過蘇永康咁飲法，拍拍吓會唔會醉咗?？
23:35:14 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31368
发帖: 11658 篇
在线时长: 1488 小时
[忽然一週 第884期]媽咪姐 徐淑敏錫晒沈卓盈
嘆 咗個半鐘頭 high tea，最後由黃浩揸車送埋沈卓盈走。黃浩手上有個外賣袋，從事飲食界 嘅佢果然有衣食。
媽咪姐成日都話，愛情嘅嘢好漂渺，點都唔及有個好姊妹實際！話說早前，媽咪姐先 喺九龍圓方商場 high tea，就見到徐淑敏拖埋老公黃浩，陪同近日甩拖嘅姊妹沈卓盈 喺 Le Gouter Bernardaud飲下午茶。間舖頭係食法國甜品為主，只見兩位女士望住 啲食品鬼咁興奮，指指點點，尤其沈卓盈 喺甜品櫃流連好耐都唔捨得走。難得 Suki好有耐性陪佢，亦唔介意有咁大個電燈膽，阻佢同老公拍拖。
點不知隔 咗一日，媽咪姐又見到沈卓盈同助手喺葵芳食越南 嘢。雖然佢個位對正門口，可能戴 咗個粗框眼鏡，所以都冇食客留意到佢。沈卓盈同助手每人叫一碗粉麵，食 咗半粒鐘，埋單都係一百蚊有找。咁食法都唔肥，恨死飲啖水都肥 嘅媽咪姐囉。
沈卓盈（右）同徐淑敏（中）揀 咗一陣，卒之都係叫 咗 Macarons。 Macarons係一種用蛋白、杏仁粉、白砂糖和糖霜做的法國糕點，係店舖的招牌作， 啱晒兩位識食 嘅靚女啦。
沈卓盈望住個甜品櫃唔捨得走，男服務員向佢落足嘴頭，萬二分詳細為她講解。所以話，靚女梗係 着數 啲 嘅！
沈卓盈同助手打對面坐，沈卓盈有少少傷風，搞到個鼻都有少少紅，陰功囉！
沈卓盈同好姊妹徐淑敏一樣，都好識得保養皮膚，夠晒白滑，不過佢一對手臂，瘦咗啲喎。
23:35:27 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31369
发帖: 11658 篇
在线时长: 1488 小时
[忽然一週 第884期]媽咪姐 曾華倩囝囝快高長大
呢日 喺圓方見到華倩同囝囝 Martin去街，阿仔有成六呎幾高，唔知仲以為係佢新男友?！
情路一直崎嶇 嘅靚媽曾華倩， 02年同前夫林肇基離婚後，淨係同「第二筍盤」馬國明傳過緋聞。呢十年華倩身兼父職，專心做個好媽媽，平日都係同 13歲阿仔林浩賢(Martin)出雙入對。
日前媽咪姐撞到兩母子去圓方行街食雪糕。睇真 啲， Martin已經有成六呎幾高，真係可以用高大威猛 嚟形容。 Martin咁快高長大，可能因為佢係游泳健將，一年四季不停游水操練，亦難怪華倩當正囝囝係男朋友，「我好鍾意黐住佢，不過佢開始有自己生活，我希望黐得幾耐得幾耐！」華倩有子初長成，真係值得開心。
09年湊仔放學
三年前華倩囝囝 Martin仲係小學生，返學放學都有阿媽接送。當年 Martin已經手長腳長，不過仲未高過媽咪。
六呎仔扭食雪糕
46歲 嘅華倩身形仲 keep得好好，雖然囝囝神高神大，但始終係年輕人，去街都扭食雪糕。
23:35:43 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31370
发帖: 11658 篇
在线时长: 1488 小时
[忽然一週 第884期]媽咪姐 「四大破冰」臨門撻Q 無綫硬食英皇
我哋又贏啦！﹙設計對白﹚
從呢張記招相，大家就知道《紅白鬥》嘅星光有幾咁……簡單啦！如果無埋容祖兒同古巨基？噢！
今個星期六（ 7日），無綫搞 咗個《 2012翡翠歌星紅白鬥》 嘅大騷。雖然有傳星煥老闆何哲圖太太余詠珊，不滿英皇放料而向其新簽歌手羅力威開刀，踢出《紅白鬥》。但係早兩日，羅力威話公司安排令佢可以「重生」喎！
咁峰迴路轉？媽咪姐最近就收到風，話無 綫原本想趁呢個騷公布同四大唱片破冰，「四大」亦預 咗歌手出席節目。記者會原定 6月初舉行，點知因為環球不滿旗下歌手演出無 綫節目，版權歸番無 綫，搞到關係再陷入困局，而英皇食住個勢，梗係有風駛盡?。
話說吳雨同《紅白鬥》監製麥鎮東講數，要求上節目 嘅大大小小歌手一定要唱自己歌，如果冇得唱，直頭唔參與。監製十萬分唔想個大騷變成新歌宣傳榜，但一諗到英皇唔玩個騷，份量即刻降呢，惟有妥協啦！所以早前搞 嘅記者會，紅白組 嘅組長都係由英皇 嘅容祖兒同古巨基做。唉！媽咪姐幾時可以喺電視機前面，聽 Eason、 Kelly唱歌呀？
有傳余詠珊（右）不滿英皇放料，霍汶希（ Mani）否認，兩個人仲笑晒合照。
羅力威（右）原本被叮出《紅白鬥》，但忽然又「翻生」！真係要多謝身邊嘅吳雨嘞。
23:35:55 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31371
发帖: 11658 篇
在线时长: 1488 小时
[忽然一週 第884期]媽咪姐 喬寶寶搞喊細路
媽咪，猩猩捉住我呀!（設計對白）
開張咁開心，點知喬寶寶搞到 BB喊到豬頭咁樣，真係肉赤死個媽咪囉！
鏡頭前成日搞笑，一副唔認真嘅喬寶寶，近年積極?銀俾老婆同兩個仔移民去蘇格蘭開餐館。
雖然決定下年移民啫，不過媽咪姐就知喬寶寶最近喺火炭開咗間單車舖，上周六（ 30日）正式開張。嗰日媽咪姐都有去湊熱鬧，見佢上香拜神兼切燒豬，完完全全融入晒做一個香港人，唔知佢第時離開香港會唔會唔捨得呢？
其間喬寶寶見到個只得一歲嘅小朋友嚟捧場，即刻捉實個 BB同佢影相，點知嚇到個 BB喊到收唔到聲。雖然喬寶寶搞開笑啫，不過話晒佢黑黑實實又成身毛，真係未必個個細路仔頂得順喎！
有入開廚嘅喬寶寶，當日仲親自斬燒豬俾來賓同職員食，事事親力親為。
喬寶寶襟撈又識撈，繼食店之後，又入股契家姐黑妹李麗霞（右二）間單車店，再做老闆。
23:38:15 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31372
发帖: 11658 篇
在线时长: 1488 小时
[忽然一週 第884期]媽咪姐 劉丹教孫
當日只得蔣家旻同劉丹兩人喺西餐廳，佢哋一邊食，劉丹一邊手指指大講人生道理。
現實生活中，丹爺劉丹有個乖仔叫劉愷威，近年北上發展紅爆內地，女友亦由以前「西人」口味廖碧兒，變成依家「國產」口味楊冪。不過洋人又好、強國人又好，依媽咪姐意見，最緊要係有孫抱。
丹爺最近就喺無綫處境劇《愛?回家》攞正牌做阿爺。前幾日，媽咪姐喺電視城西餐廳見到丹爺同劇中飾演孫女嘅蔣家旻食 lunch。丹爺現實中未榮升阿爺，但佢真係當正自己係阿爺咁，不時同蔣家旻講人生道理，仲教佢待人處事點點點……難得一個肯教，一個肯聽，丹爺呢個「實習阿爺」似乎做得有板有眼。
《天與地》飾演「少年阿佘」嘅蔣家旻，今次喺《愛?回家》做劉丹孫女，兩人對手戲甚多，日對夜對好容易有「爺孫情」。
老竇，等我幫你實現夢想。（設計對白）
老爺，我會努力的。（設計對白）
有指劉愷威近日以三千萬買入半山梅道豪宅，跟女友楊冪共築愛巢。睇嚟劉丹離抱孫夢不遠矣。
23:36:10 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31373
发帖: 11658 篇
在线时长: 1488 小时
[忽然一週 第884期]媽咪姐 何傲兒變自由行
何傲兒似乎唔係好想被人認得佢呢身自由行裝扮，戴住帽嘅佢不時偷?有冇人望。
各國佳麗拋胸就搵到真銀，但本土佳麗何傲兒就要靠自己。早前媽咪姐見到 07年落選港姐何傲兒，一個人喺中環周圍行。佢當時周身唔得閒，左手拖住個旅行喼，右手挽住個膠袋，成個自由行咁款。原來何傲兒嗰日係上髮型屋整頭，見佢自己拎住咁多嘢準備開工，真係辛苦。不過新人捱吓都冇壞，女星要喺娛圈搵食亦都唔一定齋靠身材，媽咪姐支持你?！
做藝員真係辛苦！（設計對白）
23歲嘅何傲兒， 07年參選港姐而晉身娛圈，《心戰》做秋官女，將出街嘅《回到三國》都有份。
何傲兒一人拎兩袋嘢不特止，仲拖埋行李喼爬廿級樓梯。
23:36:22 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31374
发帖: 11658 篇
在线时长: 1488 小时
[忽然一週 第884期]揞名爆 「好跳得」背「震震豬」偷食 妹
娛樂圈嘅情情愛愛呢，媽咪姐都睇到化晒！好似早前先見姐仔「震震豬」去「好跳得」有份投資嘅食店坐鎮，兩個人好 sweet咁食吓嘢傾吓偈，打風都打唔甩咁款。
之但係，最近事情嘅發展又急轉直下嘞喎！事緣近年唔多幕前演出嘅「好跳得」，除咗努力開拓飲食生意外，原來亦不忘發展佢嘅「交友事業」。據圈中二五所講，近排已經少見「震震豬」落食店「巡視業務」，取而代之嘅係一個卜卜脆嘅青春少女。「好跳得」好好?！每次都拖住人哋隻手上食店嘅 VIP房，吩咐夥計攞晒啲鎮店名菜上嚟，兩個人閂埋房門，咁就兩粒鐘嘞。久而久之，班夥計見呢位 ?1;妹嚟得仲密過「震震豬」，都開始改口叫佢做「阿嫂」?！
咁「震震豬」又點呢？可憐嘅佢，仍然係乜都唔知，仲以為自己樣靚身材正，「好跳得」一定飛唔出佢五指山！講真，男人嘅嘢，邊話得埋吖，況且當年「震震豬」咪一樣做過「小三」，仲搞到滿城風雨?。呢啲，咪叫因果囉！
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31375
发帖: 11658 篇
在线时长: 1488 小时
[忽然一週 第884期]揞名爆 拜金成性「假鬼妹」小便宜都貪
媽咪姐成日同啲世姪女講，想嫁個有錢人唔係錯嘅，邊個女人唔想有安穩嘅生活先！之不過，如果眼中淨係有錢，無晒自我又唔自量嘅話，咪會好似公仔箱嘅「假鬼妹」咁，以為執到個名門「靚橙」，「嗱嗱聲」揼咗個人人話正嘅「桔」，最終咪俾全世界睇清佢嘅真面目， total lost囉！
你問呢位拜金女知錯未？性格嚟?！邊有咁易改吖。最近又有靚太老友爆料，話佢有個 friend開咗間舖頭仔，咁啱搭上搭搵咗「假鬼妹」做少少宣傳。人哋係小本經營，原本無諗過要勞煩「大明星」嘅！不過，既然朋友話同「假鬼妹」幾熟，店主先敢搵佢去舖頭影幾張相，仲特登準備咗封利是，又諗住送啲小禮物做回禮。
估唔到嘅係，呢位出名拜金嘅小姐一去到，老實不客氣咁掃視一圈，跟住就話要飾物啦手袋啦，仲唔止要一隻色一個款，而係幾隻色都要個個款都攞。嘩！人哋間舖仔細細，唔係乜嘢大集團，俾你咁樣攞法，真係面都青埋！但「大明星」開到口，局住俾啦。雖然，對拍個廣告都收唔少錢嘅「假鬼妹」嚟講，嗰啲手袋飾物算係啲乜嘢錢吖！但人哋小生意嚟咋，好心佢就咪貪得就貪啦。
22:40:02 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31376
发帖: 11658 篇
在线时长: 1488 小时
[忽然一週 第884期]句句金 句句金
祖師戀近日鬧得熱烘烘，有記者問某藝人會否乘機公開戀情，點知某藝人回答：
永遠都唔會有另一半，我會孤獨終老。
嘩，使唔使「咒」自己「咒」得咁毒？快快脆?口水講過，一語成讖就弊傢伙。
咁大家又估唔估到呢番說話係 ABC邊個藝人講嘅呢？(答案在本頁尾)
謝霆鋒早前被問及有關祖師戀嘅問題，佢自言唔會任意評論，並以騎呢理由擋駕：
依家要返屋企屙屎。
喂，咪以為低俗可以當幽默至得?。早前幫大學做完講座嘉賓，家下講嘢卻如斯「小學雞」，究竟你想點呀？
早前喺布吉跌傷嘅鄭希怡日前終於返港，大難不死嘅佢亦忍唔住講咗句：
回家感覺實在好好。
呢句真係最啱聽。大個女啦，要小心保護自己身體，咪要人擔心先得?。
大 S徐熙媛恨仔恨到發燒，作為妹妹嘅小 S徐熙娣竟老實不客氣「指責」家姐、姐夫；
他們應該少做事，多做愛。
可能佢哋日日做緊你唔知啫，不過既然小 S咁肉緊，不如入房指導下家姐。
答案： C藝人
23:20:55 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31377
发帖: 11658 篇
在线时长: 1488 小时
[忽然一週 第884期]Columns 柔眉高手
選美前曾報讀過新娘化妝課程，從此對美學十分執着。我認為一條清秀美觀的眉毛對整體臉形相當重要，配合適當的眉形絕對能提升個人氣質和吸引力。
我認識一位在青衣的柔眉高手！我的化妝師、髮型師和修甲師也在她那裏柔眉，柔出來的眉形非常自然，跟她們的臉形相配得很，就連我媽媽和奶奶也是她的忠實粉絲呢！
還記得初入行時，稚氣的臉孔曾令我十分困擾，由化妝、髮型到衣着總是格格不入，一個字總結：娘！現在看回那些陳年舊照，認真慘不忍睹。那時遇上一位化妝大師，她認為我的眉毛不夠「氣勢」，便把我的眉毛稍稍畫粗，樣貌即時突出不少，但她卻強烈反對我做甚麼柔眉繡眉療程，擔心若遇上技術一般的美容技師，便不能返轉頭，因而令我打消柔眉念頭，直至我的好友沈卓盈（ Jess）被這位柔眉高手畫龍點睛！
Jess在我心中絕對是個美女，但不認識她的人總是覺得她不易親近，感覺 cool cool的。我們常聚在一起研究美容打扮，我最看不過眼的，是她的一雙鴛鴦眉，說起話來總是一高一低的，十分礙眼，所以我便將這個柔眉高手介紹給她。
老闆娘是典型的上海美女，兒子比我還年長，但她的皮膚依然又白又嫩。我最佩服她對美的執着，不把你弄得完美是不會把你放走的！花了足足 4小時，終於把那條難搞的眉毛修妥，而且效果好得不得了！修眉後的第二天 Jess來參加姐姐的婚禮，樣子變得善良柔和了，而且還美得很有氣質！
Beauty Secrets
作者簡介：
徐淑敏，美容白老鼠，花在臉上的「黃金」不下一百萬！
23:40:38 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31378
发帖: 11658 篇
在线时长: 1488 小时
[忽然一週 第884期]有劇追 「高齡」game友馬國明 穿越時空《回到三國》
馬國明飾演嘅司馬信，有齊現代後生仔嘅缺點，經常亂噏當秘笈。一次意外，將佢送返三國時期，令其脫胎換骨。
2011年，中台韓 嘅電視劇興起玩時空交錯，好似大陸劇 嘅《宮鎖心玉》、《步步驚心》；韓國 嘅《屋塔房王世子》、《仁醫》等，連 TVB都摻一腳贈興， 喺《衝啊﹗瘦薪兵團》後推出穿越時空科幻劇《回到三國》。
《回》內容講已屆 37歲「高齡」，但仍沉迷網上遊戲 嘅馬國明，因為一個超怪颱風，將佢吹返去風雲變色 嘅三國時代，遇到諸葛亮及劉、關、張、曹操等歷史人物，帶出一個充滿驚喜奇趣 嘅新三國時代。
播映日期﹕ 7月 9日起周一至周五晚 8:30pm 翡翠及高清翡翠台
雖然身在三國時代，但仍不時以手機向細妹樂瞳求助，翻查歷史以助諸葛亮（林峯）出謀獻策。
為游說孫權（敖嘉年）、周瑜（陳展鵬）結盟，馬竟然教孫權等人鋤大 D，以牌術大力推銷結盟聯軍嘅好處。
講起《回》劇，原來一波三折。先講播映期吖。
本來預 咗 喺《心戰》時段播，誰不知臨時抽起，改播《心戰》。仲有 喺《回》開拍前，網民同 TVB喺 TVB討論區發生過罵戰 ?。為乜會咁呢？
事緣《回到三國》劇集開拍時原本公布吳卓羲飾演穿越時空嘅主角，連節目巡禮片段都係吳唱 K。點知到劇集正式開拍，無 綫因見穿越人受歡迎，於是踢走吳唱 K搵林峯頂上，引起網民不滿，認為無 綫唔尊重吳唱 K，亦唔尊重民意。
諸葛亮具有雄才偉略，文武兼備，被李國麟三顧草廬邀其出任軍師。
面對心儀宮女桑柔（楊怡），馬繼續使出現代溝女戰術，冧得楊怡暈陀陀。
古惑仔「三國之旅」
馬重返現代後，令佢最難忘嘅，唔係嗰班三國英雄，竟然係宮女楊怡。
最後無綫表面順「民」意，林峯改演諸葛亮，但穿越人一角依然唔係吳唱 K，而係 37歲 嘅馬國明。雖然馬國明算係漁人得利，但壓力唔係冇 ?，試想搵個三十到尾做活潑俏皮嘅 gameboy穿梭時空，有 啲講唔過去，而林峯則要掛住長鬚做中年諸葛亮又似乎年輕 咗，真係有 啲不倫不類。既然高層安排，監製劉嘉豪亦無話可說。
搞完一場大龍鳳先拍得成，究竟套劇講乜呢？
一個沉迷網上遊戲 嘅現代古惑仔，自稱「 win神」嘅司馬信（馬國明飾）、一個係足智多謀古代人諸葛亮（林峯飾），因為一個怪風令兩人相遇。其間亦與劉備（李國麟飾）、張飛（曾偉權飾）及周瑜（陳展鵬飾）等各路經典人物鬥智鬥力。其實睇落，同十多年前古天樂嘅《尋秦記》異曲同工。大家點睇呢？
馬國明 司馬信
林峯 諸葛亮
陳展鵬 周瑜
李國麟 劉備
歐瑞偉 關羽
曾偉權 張飛
羅樂林 曹操
撰文：姜培綺
22:51:54 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31379
发帖: 11658 篇
在线时长: 1488 小时
[忽然一週 第884期]Horoscope 看清全部 Jackal
白羊座 21． 3- 20． 4
遇上對你很重要的事情時，未了解全部經過之前，別太早下定論。因為眼睛看到的，只是事實的一部分，若對當事人產生了誤會，只會惹來連串不愉快事件，想修補關係亦會變得很困難，故行事前要先睇清楚。
金牛座 21． 4- 20． 5
因缺乏渠道宣洩不安，工作上的煩惱或財務上的隱憂，都會對你構成壓力。至少讓一個朋友知道你的難處，便不會覺得孤軍作戰。
雙子座 21． 5- 21． 6
整體運程漸入佳境，獨力難以應付的問題，身邊會有貴人相助。感情方面，發展中的朋友倍添開心氣氛；單身的朋友會出現新的選擇。
巨蟹座 22． 6- 22． 7
深入思考會助你有新的啟發，生活和感情問題亦能借助新構思得到解決。但要有坐言起行的決心，否則一切只會變成空想。
獅子座 23． 7- 22． 8
個性強硬會令你跟戀人相處時出現問題。感情有機會出現暗湧，應多作妥協以緩和氣氛，重要的事情留待日後再解決。
處女座 23． 8- 22． 9
家庭成員間的相處出問題，需靠你成熟的處事手法去解決，千萬別動怒，把問題複雜化。要信任你的合作伙伴，因為要靠他們收拾殘局。
天秤座 23． 9- 22． 10
受身邊重要人物影響，有些習慣漸漸改變。不要害怕這樣的變化，因為好的改變會令你變得成熟。生活節奏急速忙碌，要有足夠休息。
天蠍座 23． 10- 22． 11
事業去向問題，成為近期最煩惱的事。若現時的工作環境中，還有認同你能力的上司，那麼這份工作還有讓你值得留下來的原因。
人馬座 23． 11- 21． 12
有學習新事物的機遇，宜趁 着還有衝勁，應及早落實進修計劃。朋友答應的事遲遲未能做到，宜耐心等待。溫差變化令你容易出現小毛病。
山羊座 22． 12- 19． 1
單身的朋友會遇上追求者，但時機仍未成熟，先保持朋友關係，花多點時間作觀察。多出席朋友的聚會，遇到重要事情都有人商量。
水瓶座 20． 1- 19． 2
對同事有不滿，又不好意思直接表達，最好的解決方法是工餘時間，找個輕鬆的環境，跟對方溝通。有投資失利的風險，宜小心。
雙魚座 20． 2- 20． 3
近期運氣不太好：工作忙中有錯；感情上跟對方會有誤解；財物上會有損失。要以「放得下」的心態去面對，有助你走出這短期的困局。
网易论坛，天天相伴
Dream wh go
be what you want to be, because you have only one life and one chance to do all the things you want to do.
积分: 31380
发帖: 11658 篇
在线时长: 1488 小时
[忽然一週 第884期]洛天紫微 鼠
身邊出現似是而非的機遇，忌輕舉妄動，多數是陷阱，會令你有損失。有利日子 6、 11號。
小人增多，更被捲入是非圈。凡事莫反應太大，輕描淡寫，別管太多。有利日子 6、 9號。
本周最 啱收風、收料，甚至另一半心中有甚麼秘密，都會自動爆出來。有利日子 8、 11號。
信口開河或不負責任的人會向你提意見，莫信他們，求人不如求己。有利日子 7、 10號。
言多必失，難以收科，注意跟上司和客戶溝通前，應先準備一下。有利日子 9、 12號。
遇 着固執的人令你氣結，尤其從事服務業及銷售的，要學習控制情緒。有利日子 6、 10號。
工作上別「盲舂舂」而忽略細節，多留意身邊的小動靜，會令你變得更客觀。有利日子 7、 11號。
別被小成功沖昏頭腦，亦別太輕率，因大意失荊州，老闆正在?實你。有利日子 10、 12號。
利出差，應酬亦順利愉快，並有機遇，甚至艷遇。亦利見工、見舊朋友。有利日子 6、 8號。
大事勿動，宜安守本份。能完成份內事為上，不求突破進取更好。有利日子 7、 12號。
是需要兌現承諾的一周，且偏向正面、能成功的，收穫亦會較多。有利日子 9、 11號。
別顧一漏百，尤其男士，必須專注眼前急務，一步步實行，能完成便可。有利日子 10、 12號。
22:46:14 被【
网易论坛，天天相伴
Dream wh go
be what you want to be, because you have only one life and one chance to do all the things you want to do.
下次自动登录
每30秒自动保存一次内容
我眼中的似水流年作品征集
24小时热帖榜
下次自动登录}